Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 8-1} naṭuvu ikantu orīi nayaṉ illāṉ viṉai vāṅka
• {KALI 8-2} koṭitu ōrtta maṉṉavaṉ kōl pōla ñāyiṟu
• {KALI 8-3} kaṭukupu katir mūṭṭi kāy ciṉam teṟutaliṉ
• {KALI 8-4} uṟal ūṟu kamaḻ kaṭāttu olkiya eḻil vēḻam
• {KALI 8-5} vaṟaṉ uḻu nāñcil pōl maruppu ūṉṟi nilam cēra
• {KALI 8-6} viṟal malai vempiya pōkku aru ve curam
• {KALI 8-7} collātu iṟappa tuṇintaṉirkku oru poruḷ
• {KALI 8-8} colluvatu uṭaiyēṉ kēṇmiṉ maṟṟu aiiya
• {KALI 8-9} vīḻunarkku iṟaicci āy viral kavar icaikkum kōl
• {KALI 8-10} ēḻu um tam payaṉ keṭa iṭai niṉṟa narampu aṟūum
• {KALI 8-11} yāḻiṉum nilai illā poruḷai um naccupa ō
• {KALI 8-12} marīi tām koṇṭārai koṇṭa kāl pōlātu
• {KALI 8-13} piriyum kāl piṟar eḷḷa pīṭu iṉṟi puṟam māṟum
• {KALI 8-14} tiruviṉum nilai illā poruḷai um naccupa ō
• {KALI 8-15} purai tava payaṉ nōkkār tam ākkam muyalvārai
• {KALI 8-16} varaivu iṉṟi ceṟum poḻutil kaṇ ōṭātu uyir vauvum
• {KALI 8-17} araiciṉum nilai illā poruḷai um naccupa ō
• {KALI 8-18} eṉa āṅku
• {KALI 8-19} naccal kūṭātu peruma i celavu
• {KALI 8-20} oḻital vēṇṭuval cūḻiṉ paḻi iṉṟu
• {KALI 8-21} maṉṉavaṉ puṟantara varu viruntu ōmpi
• {KALI 8-22} taṉ nakar viḻaiya kūṭiṉ
• {KALI 8-23} iṉ uṟal viyaṉ mārpa atu maṉum poruḷ ē